Bremañ trizek miz ha teir zun
E oan dindan ar c'hoad e hun

O ! hun eta, va mabig, va mabig
Hun eta, toutouig lala


Klevis o kanañ ul lapous
Kane ken flour, kane ken dous

O ! hun eta...

Kane ken dous, kane ken flour
Flouroc'h evit hiboud an dour

Kement ma'z is d'e heul, dibrel,
Touellet gantañ va spered

D'e heul pell, pell, pell, pell ez is
Siwazh, siwazh ! d'am yaouankiz !

"Merc'hig roue", e lavare
"Kaer out evel glizh ar beure

Ar gouloù-deiz zo souezhet
Pa sell ouzhit, ne ouzez ket

Pa bar an heol, souezhet eo
Na piv a vo da bried-te ?

- Tavit, tavit, kozh labousig
C'hwi zo gwall lik en ho pegig

Ma sellfe laez Roue ouzhin
Gant gouloù-deiz man na lakfen

Na lakfen man gant sell an heol
Kennebeut gant sell ar bed holl

Mar gomzet din hoc'h dimeziñ
Komzet deus Roue an neñv din

Kanañ rae bravoc'h-brav 'velkent
Ha me d'e heul, souchet va fenn

Ken e kouezhis skuizh-stank kousket
Dindan un dervenn, er gwasked

Hag eno am boa un huñvre
Am sabatuas betek re

E oan e-barzh ti un Duzig
A-dro-war-dro ur feunteunig

E vein ker boull ! e vein ker sklaer !
E vein ker splann evel d'ar gwer !

Ur gwiskad man war al leur-zi
Bleunioù nevez strewet warnezi

An Duzig ne oa ket er gêr
Ha me diogel ha seder

Pa welis o tont diouzh a-bell
Ur durzhunell a-denn-askell

Hag e stokas gant he begig
Diouzh moger voull ti an Duzig

Ha me sot, gant truez outi,
Mont da zigor an nor dezhi

Hag hi e-barzh, ha da rodal
Tro-war-dro d'an ti, o nijal

Gwech war va skoaz, gwech war va fenn,
Gwech e nije war va c'herc'henn

Teir gwech ouzh va skouarn a bokas
Ha kuit en-dro d'ar c'hoad glas

Mar oa drev hi, me n'am on ket
Mallozh d'an eur e oan kousket

An dour a ver diouzh va lagad
Pa dlean kavell luskellat

A-youl vefe en ifern skorn
An Duarded, kig hag askorn !

A-youl vefe gaou va huñvre !
Na ouife den diouzh va doare !

Ar mab, hag eñ nevez-ganet,
O c'hoarzhin en deus diskanet :

Tavit, va mamm, na ouelet ket,
Ganin n'ho po preder ebet

Nemet am eus gwall-galonad
Ober un Duard diouzh va zad

Etre an neñv hag an douar
Va zad zo ker kann hag al loar

Va zad a gar an dudoù kaezh
Ha pa gav an tu, o gwarez

Ra viro Doue da viken
Va zad diouzh puñs an ifern yen !

Nemet bennozh a ran d'an eur
E oen ganet evit an eur

Oen ganet evit eur va bro
Doue diouzh anken d'he miro !

Ar vamm a oe souzhet-bras :
"Hemañ zo marzh mar boe biskoazh !"


Le sujet

Voici treize mois et trois semaines que je me suis endormie dans le bois. J'avais entendu un oiseau, qui chantait si bien que je l'ai suivi. Il m'a fait des compliments, d'un chant de plus en plus doux, si bien que je m'endormis

Alors je rêvai que j'étais dans la demeure merveilleuse d'un petit Duz ; une tourterelle vint frapper, je lui ouvris ; elle tourna plusieurs fois autour de moi, elle piqua mon oreille trois fois, et repartit

Je me suis retrouvée à balancer un berceau ; dans le berceau, un bébé qui se mit à rire, en me disant de ne pas pleurer, que son père était un homme juste, et que lui-même était né pour faire le bien

Voilà un prodige, s'il en fut !

On retrouve les mots du refrain dans Toutouig


Source

Le "Barzhaz Breizh", premier recueil de chansons bretonnes, édité par le vicomte Hersart de la Villemarqué (Kervarker, en breton) en 1839