Patronez dous ar Folgoat
Hor mamm hag hon Itron
An dour en hon daoulagad
Ni ho ped a galon
Harpit an Iliz Santel
Avel diroll a ra !
Tenn hag hir eo ar brezel
Ar peoc'h, O Maria !


Eus an Arvor, ar Gorre,
Ni 'zeu d'ho saludiñ
Holl ez omp ho pugale,
Holl ho karomp, Mari !
Tud ar Gorre, Arvoriz,
Diredet omp hirio
Da bediñ 'vit an Iliz
Da bediñ 'vit hor bro

Gwechall er vro-mañ 'veve
Ur paour berr a spered
Salaun "ar Foll" ne ouie
Netra koulz lavaret
Daou c'her : Ave Maria
Setu e holl bedenn :
N'ehane ket d'o c'hanañ
Diwar skourr e wezenn

'Vel ur mor en em ledas
Ar brud dre Breizh a-bezh
Ha Breiziz a ziredas
Da bediñ war ar bez
Hag e-lec'h ar bod lili,
Evit ar grasoù bet
O deus savet da Vari
Eun iliz kaer meurbet

Mari, Mamm ar gristenien,
Ma karit an Iliz,
Hepdale deut d'he difenn
Diouzh enebourien kriz
Hirañ ma c'heller gwelet
Er mor 'z eus tarzhioù gwenn
Bagig Sant Per zo strinket
Eus ar garreg d'eben

Ma klevit mat hor pedenn
Mirit nad aimp da goll
Ma c'hellimp kanañ laouen
Evel Salaün ar Foll :
"O mari ! O Maria !"
C'hwi vezo hon Itron
Betek an eur diwezhañ
Renit en hor c'halon


Le sujet

Chant à Notre-Dame du Folgoat pour implorer sa protection sur l'Eglise et sur le pays. "De l'Arvor et de l'Argoat, nous sommes venus vous saluer ; tous nous sommes vos enfants, nous vous aimons tous, Marie !"

Autrefois vivait un simple d'esprit, Salaun "le fou", qui ne savait dire que deux mots : Ave Maria ; il les chantait, perché sur la branche de son arbre


Source

"Breiz a gan" n°15 : 20 cantiques bretons en l'honneur de la Vierge
Recueillis par Roger Abjean, de Morlaix, harmonisés et publiés par lui en juin 1985
La quatrième strophe et les suivantes figurent dans le supplément au n°45 de la revue Ar Soner que m'a fourni André Hemlin ; les deux dernières strophes se trouvent aussi dans "Cantiques bretons", recueil -du même Roger Abjean, paru à Morlaix en 1983