I
Itron Varia Wir Sikour
Mamm vat, mamm a druez
Lezit da gouezhañ an dour
A freska an ene
Dour ar c'hras, dour ar pardon
A c'houlennomp hirie
Evit ma vo hor c'halon
Divlam dirak Doue

II
Kristenien a Vreizh-Izel
Diredet d'al lec'h-mañ
Da c'houlenn nerzh ha skoazell
Gant an Itron Varia
Deut oc'h evit pardonañ
Ha diskouez 'zo 'n ho kreiz
Evit ur vamm ar gwellañ
Fiañs ha feiz e-leizh

III
Gras Doue en hor c'halon
Vefomp, o tra souezhus,
Gwir vugale deoc'h, Itron,
Ha breudeur da Jezuz !
Neuze gwir belerined
Petra c'hallfemp goulenn,
Petra ha na rofec'h ket
En distro, d'hon fedenn ?

IV
Ma zo en oabl koumoul du
Dare mat da strakal
Ha ma weler a bep tu
An disurzh dishual
Roit deomp nerzh da stourm bepred
Ha da viret 'n hon kreiz
Ar feiz keit zo gwriennet
En kalon tudoù Breizh

V
Hon sikouret da vezañ
Kristenien penn-da-benn
Kristenien hep marc'hata
Dre holl en pep tachenn
Kristenien en hon gwazhioù
Gwad yac'h hag a vervfe
Ma ve ret difenn gwirioù
An iliz hag ar feiz

VI
Deiz ho pardon, o Gwerc'hez,
Dastumet 'n hoc'h iliz
Na meump holl nemet ur vouezh
Mouezh gwir vugale Breizh
Nemet ur vouezh 'vit laret
"O Itron Wir Sikour !
Kentoc'h mervel ma vez ret
Evit bezañ treitour !"


Le sujet

Cantique en l'honneur de la Vierge, aux accents militants et patriotiques. Le dernier couplet :
Au jour de votre pardon, ô Vierge,
Rassemblés dans votre église,
Nous n'aurons qu'une voix
La voix des vrais enfants de Bretagne,
Une seule voix pour dire :
"O Notre-Dame du Vrai Secours !
Plutôt mourir s'il le faut
Que d'être traîtres !"

Note des auteurs
Ce cantique a le même air que Itron Varia ar Folgoet
Chanté par Pauline Le Moël, de Carhaix


Source

Kanaouennou Breiz-Vihan (Mélodies d'Armorique), par H. Laterre (Bodlan) et F.Gourvil (Barr-Ilio), publié en 1911