Madelen Grocher a Gorle
Bravañ plac'h yaouank a vale (bis)

Kabiten Roperz a lare
D'ar Grocher kozh hag a neuze

"Boñjour ha joa holl en ti mañ
Mad'len Grocher pelec'h emañ ?

- Aet eo 'n deiz all da Sant Brieg
'Ti ur forner deskiñ galleg

E vije 'r gêr n'he gwelfec'h ket
N'he deus met ur bloaz ha daouzek

- N'he defe bloaz nemet unnek
Gout e oar tennañ d'ar mousket

Na chomet ket da vadinañ
Pe raktal me deuy d'ho lonkañ

- Ma merc'h Madelen deut a traoñ
Hag ho puhez gant an Aotrou

Gwell d'ho puhez be'añ kollet
'Vit he rofet da soudarded

'Vit he rofet da soudarded
Da gab'ten Roperz, d'e baotred"

Kab'ten Roperz a lavare
D'e soudarded hag a neuze

"Deomp de ger bolontez Doue
C'hoazh hi gwelfomp d'al leur nevez

Brao eo an noz, sklaer al loar
Brao eo monet d'avaloa

Brao eo monet d'avaloa
Bravoc'h eo mont da verc'heta

Ar baotred vo santinelloù
Ar merc'hed vo n'o gweleoù

Ar merc'hed vo n'o gweleoù
Mad'len Grocher ganeomp deuio"

Kab'ten Roperz a lavare
D'al leur nevez pa'n arrue

"Boñjour ha joa d'an holl amañ
Mad'len Grocher pelec'h emañ ?

- Emañ du-se korn an ebat
0 tañsal gant mevel he zad"

Neuze a weljed Madelen
Taolin he c'hoeff war gilinent

Taolin he c'hoeff war gilinent
Vale keñver ar c'habiten

"Aotro Doue, petra larin
Er gêr d'ho tud pa'n arruin

- Goulon kador de aze'añ
Ur plac'h a gambr dont d'he c'hoefañ

Ur plac'h a gambr dont d'he c'hoefañ
Ma vo Itron barzh en ti mañ

- Kemerit ur gador ma keret
Itron amañ ne vefet ket

Itron amañ ne vefet ket
Met gortoz un all d'arruet"

Mad'len Grocher p'he deuz klevet
Da gab'ten Roperz 'deus laret

"Ma losket em c'hambr en distro
Ma c'h arrolin ma bolijoù

Evit ma rin da baizantez
Poan d'am daoulagad ho kwelet"

Un tenn fuzuilh he deus losket
Tri a soudarded deus lazhet

Tri a soudarded deus lazhet
Kab'ten Roperz ar pevarvet

Mad'len Grocher a lavare
D'he zadig kaezh hag a neuze

"C'han de ger Bolontez Doue
Gant ma inor ha ma buhez

Ne vin de den eus ar c'hontre
Met d'Yvon Olier e ve"


Le sujet

(comme souvent dans ce recueil, le breton n'est pas très académique et je ne comprends pas tout)
Le capitaine Robert vient avec ses soldats chez le père de Madeleine Grocher, la plus jolie fille du canton. Il la demande, mais le père refuse
Le capitaine et ses soldats vont à la fête de l'aire neuve, où ils trouvent Madeleine en train de danser avec les valets de son père. La fille s'échappe et revient avec un fusil, dont elle tue trois soldats, et le capitaine en quatrième
Elle revient alors chez son père : "Je ne serai à aucun homme du pays, si ce n'est à Yvon Olivier"

Chanté par Madame Jean LE BRAS, Pontrieux, 21 juillet 189O


Source

"Kanaouennoù Pobl", chansons recueillies par Alfred Bourgeois dans la deuxième moitié du XIXème siècle ; le recueil a été publié en 1959 à Paris