Gouel holl daeroù da zaoulagad
Gouel gant ar geuz d'an amzer all!
Dont 'ra d'az spered, dre vagad
Soñjezonoù eus a wechall
Na mignoniach, na karantez!
Kollet int er stourm 'vit ar vuhez!
Gouel ha huanad ur c'hlemmgan
Rak bremañ emaout da-unan
Rak bremañ emaout da-unan

Da dud paour, erru 'n o c'hozhni
N'o deus ken ac'hanout ganto
Pell outo, 'barzh ar velkoni,
E renez devezioù c'hwerv !
Hag an noz, en da wele kalet,
'Trezek da vamm e ya da spered
Ar vamm da zougas ken bihan !
Mes bremañ emaout da-unan
Mes bremañ emaout da-unan

Da-unan ! Ger yen ha digar
A skorn pep elfenn er galon !
Ger a zisesper, a c'hlac'har,
A zienez hag a spouron !
Hep ur mignon aze, 'n az kichen
- Kaset int bet pell gant ar wagenn -
Hep ur par en tu all d'az tan
En da gambr yen out da-unan
En da gambr yen out da-unan

Marteze 'teuy deizioù kaeroc'h
Un heol dousoc'h un eur a vo
Ur pennad karantez wiroc'h
E-tal da dud, e-barzh da vro !
Mes da c'hortoz, kan war da delenn
Gwerzioù silet dre greiz an anken
Hirvoud war da stad ur c'hlemmgan !
Hen kana a ri da-unan
Hen kana a ri da-unan



Le sujet

Pleure toutes les larmes de tes yeux, pleure de regret au temps passé ! Voilà qu'accourent en foule à ton esprit les souvenirs d'autrefois. Ni amitié, ni amour ! Ils se sont perdus dans la lutte pour la vie ! Pleure, et soupire une complainte, car maintenant tu es tout seul


Source

Extrait du "Levr kanaouennou brezonek evit ar yaouankiz" (Chansons bretonnes pour la jeunesse), recueil de Taldir (François Jaffrenou). Première édition en 1900, réédité en 1942 chez Lafolye Frères et J. de Lamarzelle, imprimeurs-éditeurs à Vannes