Ar meliner war ar choser, ma dousig !
Ar meliner war ar choser,
Kanañ ha c'hwitellat a ra
Digou tradira ladira dondeno
Kanañ ha c'hwitellat a ra
Me zo 'vonet davetañ

Davetañ, oh! na n'it ket, ma merc'hig !
Davetañ, oh! na n'it ket
Davetañ, oh! na n'it ket
Digou tradira ladira dondeno
Davetañ, oh! na n'it ket
Gant aon na vec'h gwall aozet

Fichet ma maladenn din, ma mammig !
Fichet ma maladenn din
Fichet ma maladenn din
Digou tradira ladira dondeno
Fichet ma maladenn din
Me ya ganti d'ar vilin

Er vilin pa oan erruet, ma dousig !
Oa aet an dud da gousket

- Dihunet holl dud an ti, ma dousig !
Ha deut da zisammañ din

- A-benn a zigasin deoc'h, ma dousig !
Peseurt ed a zo ganeoc'h ?

- Kerc'h ha segal hag ed-du, ma dousig !
Mar mal ar vilin war he zu

- Pe e ra pe ne ra ket, ma dousig !
Ho madalen vo malet

'Mañ ar vilin o valañ flour, ma dousig !
Ni hon daou raio l'amour "

Ha dre ma ya ar bleud er sac'h
Ar meliner a stard ar plac'h

" Meliner paour, ma lezet
Bandenn ma brozh a dorrfet

Bandenn ma brozh satin wenn
A goust ur pistol ar walenn

- Arc'hant a-walc'h zo er vilin
Da brenañ brojoù satin

Kemenerien a zo er vro
Hag arc'hant a zo d'o faeo

- C'hwi yey d'ar foar, me na n'in ket
Un tavañjer din a brenfet

Un tavañjer vo graet gant gloan
Da bakañ ma hini bihan

C'hwi yey d'ar foar, me na n'in ket
Hag ur c'havell din a brenfet

Ur c'havell graet gant koad Rouan
Hag a luskello e-unan

A luskello dre ma huñvre
C'hellin neuze ledañ koue "

Neuze ma Margodig d'ar gêr
Ha karget de'i he faner

Un troc'had voulouz war he choug
Ha Margodig a-raok a zoug



Le sujet

Une jeune fille va faire moudre son grain chez le meunier ; celui-ci lui tourne autour, lui promet de beaux habits, et elle finit par céder

Très nombreuses chansons sur le même sujet (voir par exemple Ar miliner laer)

Chanté par Yvenig Tanguy, menuisier à Carhaix


Source

Kanaouennou Breiz-Vihan (Mélodies d'Armorique), par H. Laterre (Bodlan) et F.Gourvil (Barr-Ilio), publié en 1911