Paskoù-hir, ar c'hemener,
Zo aet da ober al laer
Abardaez noz digwener

N'helle mui ober bragoù :
Aet an dud d'an armeoù
Ouzh re Vro-C'hall hag o rou'

Aet eo tre ti ar c'horred
Gant e bal, ha da doullet
Da glask an teñzor kuzhet

An teñzor mat a gavas
Ha d'ar gêr o redek bras
Ha 'n e wele 'n em lakas

"Serret an nor, serret kloz
Setu an Duzigoù noz

- Dilun, dimeuzh, dimerc'her,
Ha diriaou ha digwener !

- Serret an nor, mignoned,
Setu, setu ar C'horred !

'Maint o tont tre 'barzh ar porzh
'Maint ennañ o tañsal forzh

- Dilun, dimeuzh, dimerc'her,
Ha diriaou ha digwener

- 'Maint o pignat war da dei
'Maint 'ober un toull enni

Krabet out, mignonig paour,
Taol kuit buan an teñzor

Paskoù paour, te zo lazhet !
Taol warnout dour benniget

Taol da liñser war da benn
Paskoù, na fich ket a-grenn

- Siwazh din ! 'Maint o c'hoarzhin
Neb a zidec'hfe ve fin

Aotrou Doue ! Setu 'nan
E benn dre 'n toull a welan

E zaoulagad ruz-glaou-tan !
'Mañ en traoñ gant ar peulvan

'Trou Doue ! unan, daou, tri !
Mont en-dro war al leur-zi !

Lamm a reont ha kounnariñ
Taget on, Gwerc'hez Vari !

- Dilun, dimeuzh, dimerc'her,
Ha diriaou ha digwener !

Daou, tri, pevar, pemp ha c'hwec'h !
- Dilun, dimeuzh, dimerc'her,

Kemenerig, kemener,
Roc'hañ rez aze, larer !

Kemenerig, kemener,
Tenn da fri 'maez un tammig !

Deus da ober un dro zañs
Ni ziskey dit ar c'hadañs

Kemenerig, kemener,
Dilun, dimeurzh, dimerc'her

Kemenerig, te zo laer,
Dilun, dimeuzh, dimerc'her,

Deus d'hon laerezh ur wech all
Deus, kozh kemenerig fall

Ni ziskeio dit ur bal
A rey da'z mell-kein strakal
Paz arc'hant korr 'tra na dal"


Le sujet

Paskou-le-Long, un tailleur, s'est introduit dans la maison des Nains et armé d'un pelle, a déterré un trésor. Il revient chez lui ; les Nains viennent récupérer leur bien en chantant des chansons grotesques et vengeresses

Le thème des Nains, très présent dans les légendes celtiques, est mêlé aux moqueries traditionnelles envers les tailleurs (kemener), accusés de tous les maux - paresseux, voleurs, menteurs, etc.

 


Source

Cette chanson est extraite du "Barzhaz Breizh" de La Villemarqué